Liebi Waldchind

Juhee de Frühlig isch do!! dVögel stimmed ihri schönste Melodie a, dWaldblueme und de Bärlauch bildet es Traumhafts Blüete- und Blättermeer und sogar dChrött und dFrösch händ ihre Laich scho süüferli is Wasser bettet. Ein um de ander gross Waldbaum verwached jetzt au und loht sini Blätterchnospe platze. Bald isch de Wald voll sattem Grüen, voll Läbe und emsigem triibe. Bsunders freu ich mich uf die neue Waldtier wo ich hoffentlich scho bald dörf kennelerne. Ines paar wuche schlüpfed nämli scho die erste Jungvögel und es schlüfed Babyfüchsli usem Bau. Jo mir händ denn einiges zEntdecke...

Schön sind ihr mit debii!!

Euche Baski